Wednesday, 18 November 2026
கனடா வானிலை
14°C
ரொறன்ரோ
தெளிவான வானம்
  • உணர்வு 10°
  • ஈரப்பதம் 55%
  • காற்று 16 km/h
  • ஸ்காபரோ 15°
  • மார்க்கம் 15°
  • பிரம்டன் 14°
  • மிசிசாகா 15°

கனடாவின் தமிழ்க் குரல் – தமிழ் செய்திப் பத்திரிகை

நாணய மாற்று விகிதம் CAD
  • USD 1.43 ▲ 0.00%
  • EUR 1.57 ▼ 0.05%
  • GBP 1.89 ▲ 0.10%
  • CHF 1.70 ▼ 0.06%
  • AUD 0.96 ▼ 0.12%
  • 1 CAD → LKR 232.81 ▲ 0.05%
  • 1 CAD → INR 65.39 ▼ 0.47%
  • AED 0.39 ▼ 0.00%
புதுப்பிப்பு: 2026-11-18 17:25
அண்மைச் செய்திகள்
டிசம்பர் 11 முதல் சனியின் நேரடி பயணம்: இந்த 3 ராசிகளுக்கு பொற்காலம் ஆரம்பம்! பன்றிக்காக கணவரை விவாகரத்து செய்த பெண் தந்தைக்கு சவப்பெட்டி செய்யும் 7 வயது சிறுவன் குகைக்குள் குழந்தையுடன் மீட்கப்பட்ட சிறுமிக்கு கிடைத்த மிகப் பெரிய வாய்ப்பு ரியல் எஸ்டேட் விளம்பரங்களில் செயற்கை நுண்ணறிவு மாயாஜாலம்: எச்சரிக்கை! யாழில் பரபரப்பு! பொலிஸாரை கண்டதும் கழுத்தை அறுத்து தப்பிக்க முயன்ற இளைஞர் கனடாவில் எரிந்த நிலையில் கண்டெடுக்கப்பட்ட சடலம் அடையாளம் காணப்பட்டது! கனடாவில் பிரபல உணவு மற்றும் பானப் பொருட்கள் திரும்பப் பெறல்! கனடாவின் கியூபெக் உள்ளிட்ட மாகாணங்களில் உள்ள பள்ளிகளில் கைப்பேசித் தடை சஷி வீரவங்சவுக்கு எதிரான சிறைத்தண்டனையை உறுதிசெய்தது உயர் நீதிமன்றம்
விளம்பரம்விளம்பரம்
உலக செய்திகள்

தந்தைக்கு சவப்பெட்டி செய்யும் 7 வயது சிறுவன்

சீனாவைச் சேர்ந்த 7 வயது சிறுவன் ஒருவன் தனது தந்தைக்கு சிறிய சவப்பெட்டி செய்துள்ள காரியம் அதிர்ச்சியை ஏற்படுத்தியுள்ளது.

சீனாவைச் சேர்ந்த Wang (வாங்க்) என்ற 7 வயது சிறுவன் விளையாட்டாக காகிதங்களைக் கொண்டு தனது தந்தைக்கு சிறிய சவப்பெட்டி, மலர் வளையங்கள் செய்துள்ளார்.

சிறுவனின் தாய் மா என்பவர் தனது மகனின் செயலைக் குறித்து சமூக வலைத்தளங்களில் பதிவிட்டுள்ளார். அதாவது சிறுவனை 4 வயதாக இருக்கும் போது, இறுதி சடங்கு நிகழ்விற்கு அவனை அழைத்துச் சென்று வந்த பின்பு இந்த ஆர்வம் அதிகமாகியுள்ளது.

இறுதிச்சடங்குக்கு தேவையான சவப்பெட்டி, மலர் வளையங்கள், காகித கோபுரங்கள் மற்றும் விலங்கு உருவ படையல்கள் என அனைத்தையும் குறித்த சிறுவன் தனது கைகளால் செய்கின்றான்.

அதுமட்டுமின்றி இறுதி சடங்கு நடத்துபவராகவும் செயல்பட்டு வருகின்றார். அதாவது இரங்கல் வாசகங்களை உச்சரிப்பதும் மட்டுமின்றி, துக்கவீட்டில் இறந்தவர் முன் நின்று செய்யும் பாரம்பரியமான சடங்கான Ku Ling சடங்கையும் செய்வதுடன், தனது பெற்றோரின் செல்போனில் இறுதிசடங்கு இசையையும் ஒலிக்கவிடுகின்றான்.

சில நேரங்களில் Lego கற்களைப் பயன்படுத்தி இறுதி சடங்கு வேலையையும் செய்வதாகவும், Wang-கின் ஆசிரியர் ஒருமுறை, மலர் வளையங்களின் ஓவியங்களால் ஓவிய புத்தகத்தினை நிரப்பியிருப்பதாக புகார் அளித்துள்ளாராம்.

இதற்கு பின்பு தான் பெற்றோர்கள் இவனது பொழுதுபோக்கு விளையாட்டை தெரிந்து கொண்டார்களாம். மேலும் இதனை அபசகுணமாக கருதாமல் அவரனது விளையாட்டிற்கு துணையாகவும் இருக்கின்றனர்.

சிறுவன் செய்யும் சவப்பட்டிற்கு அவரது தந்தை இறந்தவர் போன்று நடித்து காணப்படுவதாகவும், குறித்த சிறுவன் இந்த சடங்கினை தனது அப்பாவை வைத்து செய்வதாகவும் கூறுகின்றனர்.

சிறுவனின் தாத்தா, பாட்டியும் இதனை அபசகுணமாக எண்ணாமல், ஒவ்வொரு குழந்தைக்கும் ஒவ்வொரு பொழுதுபோக்கு இருக்கும் என்று கூறி மகிழ்ந்துள்ளனர். மேலும் இதனை செய்வதற்கு பெற்றோர்களின் உதவியை நாடாமல், மொபைல் மூலமாக பார்த்து கற்றுக் கொண்டுள்ளான்.

சிறுவனின் தாய் ஒரு தெருவோர வியாபாரி என்பதால் தன்னுடன் அழைத்துச் செல்லும் போதும் இந்த விளையாட்டை தான் விளையாடுவதாகவும், மற்ற வியாபாரிகள் இதனைக் கண்டு எரிச்சல் படுவதாகவும் கூறுகின்றார்.

எதிர்காலத்தில் இறுதி சடங்கு துறையில் தான் வேலை செய்யப்போவதாகவும் சிறுவன் தாயிடம் கூறியுள்ளான். சிறுவனின் செயலைக் கண்டு பலரும் தங்களது கருத்துக்களை பதிவிட்டு வருகின்றனர்.