
IPL 2027 தொடருக்கான வீரர்களைத் தக்கவைக்கும் மற்றும் விடுவிக்கும் பட்டியலை IPL தொடரில் விளையாடும் அணிகள் வெளியிட்டுள்ளன.
இதன்படி, ஐபிஎல் 2027 தொடருக்கான தக்கவைக்கப்பட்ட மற்றும் விடுவிக்கப்பட்ட வீரர்களின் பட்டியலை சென்னை சூப்பர் கிங்ஸ் அணி வெளியிட்டுள்ளது.
இதன்படி, எம்.எஸ்.தோனியின் பெயர் விடுவிக்கப்பட்ட வீரர்கள் பட்டியலில் இடம்பெற்றிருப்பது, சிஎஸ்கே இரசிகர்களுக்கு கவலையளிக்கும் அறிவிப்பாக அமைந்துள்ளது.
ஐபிஎல் தொடரில் தனது வீரர் பயணத்தை முடித்துள்ள தோனி, சென்னை சூப்பர் கிங்ஸ் அணியின் ஆலோசகராக (Mentor) செயல்பட உள்ளதாக அறிவிக்கப்பட்டுள்ளது.
ஐந்து முறை ஐபிஎல் கோப்பையை வென்ற அணியின் வெற்றிப் பயணத்தில் முக்கியப் பங்காற்றிய தோனியின் புதிய பொறுப்பு இரசிகர்கள் மத்தியில் எதிர்பார்ப்பை ஏற்படுத்தியுள்ளது.
இந்நிலையில், 2027 சீசனுக்காக சென்னை சூப்பர் கிங்ஸ் அணியில், அகீல் ஹொசைன்,அன்ஷுல் கம்போஜ்,ஆயுஷ் மாத்ரே,டெவால்ட் பிரேவிஸ்,குர்ஜப்நீத் சிங,ஜாக் எட்வர்ட்ஸ் (டிரேடு),ஜேமி ஓவர்டன்,கார்த்திக் சர்மா,லியாம் லிவிங்ஸ்டன் (டிரேடு),முகேஷ் சௌத்ரி,நூர் அகமது,ராகுல் சாஹர்,ராமகிருஷ்ணா கோஷ், ருத்ராஜ் கெய்க்வாட்,சஞ்சு சாம்சன்,சர்பராஸ் கான்,சிவம் துபே,ஷ்ரேயஸ் கோபால்,உர்வில் படேல் ஆகிய 19 வீரர்கள் தக்கவைக்கப்பட்டுள்ளனர்.
மறுபுறம், அடுத்த சீசனுக்கான அணியை மறுசீரமைக்கும் வகையில், எம்.எஸ். தோனி,அமன் கான்,டியான் ஃபாரெஸ்டர்,குல்தீப் யாதவ்,மேக்னெயில் நொரோன்ஹா,மாட் ஹென்றி,மேத்யூ ஷார்ட்,ஆகாஷ் மத்வால்,பிரசாந்த் வீர்,ஸ்பென்சர் ஜான்சன்,சாக் பௌல்க்ஸ் ஆகிய 11 வீரர்களை விடுவித்துள்ளது.

