
இசையமைப்பாளர் அனிருத் மற்றும் காவ்யா மாறன் ஆகியோரின் திருமணம் அண்மையில் க்ரீஸ் நாட்டில் நடைபெற்றதாகவும், எதிர்வரும் 21ஆம் திகதி சென்னையில் திருமண வரவேற்பு நிகழ்வு நடைபெறவுள்ளதாகவும் தெரிவிக்கப்படுகிறது.
இந்தத் திருமணத்தில் நெருங்கிய உறவினர்கள் மற்றும் நண்பர்கள் கலந்துகொண்ட நிலையில், அனிருத்தின் நெருங்கிய நண்பரும் ஆரம்பகால இசைப் பயணத்தில் முக்கியப் பங்காற்றியவருமான நடிகர் தனுஷ் கலந்துகொள்ளாதது பேசுபொருளாகியுள்ளது.
தனுஷுக்கு திருமண அழைப்பிதழ் வழங்கப்படவில்லை எனவும் தகவல்கள் வெளியாகியுள்ளன. இதனால், இருவருக்கும் இடையிலான நீண்டகால நட்பில் விரிசல் ஏற்பட்டுள்ளதா என்ற கேள்வியும் எழுந்துள்ளது.
2017ஆம் ஆண்டு வெளியான சுச்சி லீக்ஸ் சர்ச்சைக்குப் பின்னரே இருவருக்கும் இடையே கருத்து வேறுபாடு ஏற்பட்டதாகச் சிலர் கூறுகின்றனர். மற்றொரு தரப்பினர், தனுஷ் மற்றும் அனிருத் இடையிலான பிரிவுக்குப் பல்வேறு காரணங்களைக் குறிப்பிடுகின்றனர்.
இந்நிலையில், தனுஷ் – அனிருத் கூட்டணியில் உருவான ‘வை திஸ் கொலவெறி’ பாடல் உலகளவில் பெரும் வரவேற்பைப் பெற்றதைச் சுட்டிக்காட்டும் திரைத்துறை விமர்சகர்கள், இருவரும் மீண்டும் இணைவார்களா என்ற எதிர்பார்ப்பையும் வெளியிட்டுள்ளனர்.

