ஹோர்முஸ் நீரிணையில் பயணித்த எண்ணெய்க் கப்பல் மீது எறிபொருளொன்று தாக்கியுள்ளதாக பிரித்தானிய கடல்சார் வர்த்தக நடவடிக்கைகளுக்கான அமைப்பு தெரிவித்துள்ளது.
இதேவேளை, சவூதி அரேபியாவின் தலைநகர் ரியாத்தில் அமைந்துள்ள பிரதான வானூர்தி நிலையம் மற்றும் நிதி மையம் உள்ளிட்ட இலக்குகள் மீது தாக்குதல் நடத்தியதாக யேமனின் ஹூதி அமைப்பு உரிமை கோரியுள்ளது.
அத்துடன், சவூதி அரேபியாவின் தெற்குப் பகுதிகளிலுள்ள ஜிசான் மற்றும் கமீஸ் முஷைத் நகரங்களையும் இலக்கு வைத்துத் தாக்குதல் நடத்தியதாக அந்த அமைப்பு தெரிவித்துள்ளது.
இதற்கிடையில், தெற்கு சவூதி அரேபியாவை நோக்கி ஏவப்பட்ட பலிஸ்டிக் ஏவுகணையொன்றை இடைமறித்துள்ளதாக சவூதி தலைமையிலான கூட்டணிப் படைகள் அறிவித்துள்ளன.




