
நிதேஷ் திவாரி இயக்கத்தில் ரன்பீர் கபூர் நடிப்பில் வெளியான ‘இராமாயணம் பாகம் 1’ திரைப்படம், உலகளாவிய வசூலில் புதிய சாதனைகளைப் படைத்து வருகிறது.
நவம்பர் 5ஆம் திகதி வெளியான இந்த திரைப்படம், 13 நாட்களில் உலகளவில் 1,483.50 கோடி ரூபாயை வசூலித்துள்ளதாக இந்திய ஊடகங்கள் செய்தி வெளியிட்டுள்ளன.
இந்தியாவில் இதுவரை 821.30 கோடி ரூபாய் நிகர வசூலையும், 981.50 கோடி ரூபாய் மொத்த வசூலையும் பெற்றுள்ளது.
வெளிநாடுகளில் சுமார் 502 கோடி ரூபாய் வசூலித்துள்ளது.
மேலும், ஆதித்யா தார் இயக்கத்தில் வெளியான ‘துரந்தர்’ திரைப்படத்தின் உலகளாவிய வாழ்நாள் வசூலான 1,350.83 கோடி ரூபாயையும் ‘இராமாயணம்’ திரைப்படம் கடந்துள்ளது.
தற்போது, ‘தங்கல்’ (2,070.3 கோடி), ‘பாகுபலி 2’ (1,810.6 கோடி), ‘புஷ்பா 2’ (1,800 கோடி) உள்ளிட்ட அதிக வசூல் செய்த இந்தியத் திரைப்படங்களின் சாதனைகளைக் கடக்கும் இலக்குடன் இப்படம் பயணித்து வருகிறது.
இந்த திரைப்படத்தில் ரன்பீர் கபூருடன் யாஷ், சாய் பல்லவி, ரவி துபே, காஜல் அகர்வால் உள்ளிட்ட பலர் நடித்துள்ளனர்.
இதன் இரண்டாம் பாகம் 2028ஆம் ஆண்டு தீபாவளிக்கு வெளியாகவுள்ளதாக அறிவிக்கப்பட்டுள்ளது.

