Saturday, 21 November 2026
கனடா வானிலை
9°C
ரொறன்ரோ
தெளிவான வானம்
  • உணர்வு 7°
  • ஈரப்பதம் 90%
  • காற்று 9 km/h
  • ஸ்காபரோ 10°
  • மார்க்கம் 13°
  • பிரம்டன் 12°
  • மிசிசாகா 10°

கனடாவின் தமிழ்க் குரல் – தமிழ் செய்திப் பத்திரிகை

நாணய மாற்று விகிதம் CAD
  • USD 1.43 • 0.00%
  • EUR 1.57 • 0.00%
  • GBP 1.88 • 0.00%
  • CHF 1.70 • 0.00%
  • AUD 0.96 • 0.00%
  • 1 CAD → LKR 232.29 • 0.00%
  • 1 CAD → INR 65.17 • 0.00%
  • AED 0.39 • 0.00%
புதுப்பிப்பு: 2026-11-21 18:44
அண்மைச் செய்திகள்
கொழும்பில் மாவீரர்களுக்கு அஞ்சலி செலுத்திய தமிழ் எம்பி ஒரே ஆண்டில் ரூ.2,593 கோடி நன்கொடை; அம்பானி, அதானியை பின்னுக்கு தள்ளிய தமிழர் அனிருத் – காவ்யா திருமண வரவேற்பு; குவிந்த அரசியல் தலைவர்கள், திரைத்துறையினர் நகைக்காக பெற்ற தாயையே அடித்துக் கொலை செய்த மகள் ஆசிரியை – கொள்ளைச் சம்பவம் போல் நாடகமாடியது அம்பலம்! ரைஸிங் ஸ்டார்ஸ் ஆசிய கோப்பை போட்டியில் நேபாள அணியை 26 ரன்னுக்கு சுருட்டியது இந்திய அணி. மகளின் திருமண வாழ்க்கை குறித்து அவதூறு பரப்பினால் கடும் நடவடிக்கை: அர்ஜுன் வங்கதேசத்தில் மீண்டும் வெடித்த வன்முறை; முகமது யூனுஸ் வீட்டுக்கு தீ வைப்பு பிக்பாஸ் பிரபலம் முத்துக்குமரன் மீது வழக்குப் பதிவு செய்யப்பட்டுள்ளது. கொழுப்புச் சத்து நிறைந்த உணவுகளை அதிகம் சாப்பிடுபவரா நீங்கள்?… எதிர்காலத்தில் பெருங்குடல் புற்றுநோய் ஏற்படும் அபாயம் இருப்பது புதிய ஆய்வு முடிவுகளில் தெரியவந்துள்ளது. திருவண்ணாமலையில் கார்த்திகை தீபத் திருவிழா தேரோட்டம்…
விளம்பரம்விளம்பரம்
கனடா செய்திகள்

கனடா பிரதமருக்கு கொலை மிரட்டல் விடுத்த நபர் குற்றத்தை ஒப்புக்கொண்டார்

கனடா பிரதமர் மார்க் கார்னியின் உயிருக்கு அச்சுறுத்தல் விடுத்ததாகத் தொடரப்பட்ட வழக்கில், 31 வயதுடைய நபர் ஒருவர் வெள்ளிக்கிழமை நீதிமன்றத்தில் முன்னிலையாகித் தனது குற்றத்தை ஒப்புக்கொண்டுள்ளார்.

ஜேமி டகோஸ்டா என்ற குறித்த நபர், பிரதமர் மார்க் கார்னிக்கு மிரட்டல் விடுத்ததுடன், கல்கரி நகரிலுள்ள டயர் விற்பனை நிலையம் ஒன்றுக்கும் அதன் பணியாளர்களுக்கும் எதிராகப் பணம் பறித்தல், கொலை மிரட்டல் விடுத்தல் மற்றும் 5,000 டொலர்களுக்கும் அதிகமான சொத்துக்களுக்குச் சேதம் விளைவித்தல் ஆகிய குற்றச்சாட்டுகளையும் ஒப்புக்கொண்டுள்ளார்.

சிறப்பு அரச சட்டத்தரணி வில்லியம் டிரான் இந்த வழக்குகளை நெறிப்படுத்தினார்.

2026 ஜூலை மாதம் யூடியூபில் வெளியிடப்பட்ட இரண்டு காணொளிகளில், கனடியர்கள் ஒட்டாவாவிற்குச் சென்று பிரதமர் மார்க் கார்னி மற்றும் அவரது குடும்பத்தினர் மீது வன்முறைத் தாக்குதல் நடத்துமாறு டகோஸ்டா தூண்டியதாக நீதிமன்றத்தில் தெரிவிக்கப்பட்டது.

இதனையடுத்து பொலிஸார் அவரைக் கைது செய்தனர். இதற்கு முன்னதாக, 2025 ஒக்டோபர் முதல் 2026 ஜூலை வரையான காலப்பகுதியில், கல்கரியிலுள்ள டயர் விற்பனை நிலையம் தனது வாகனத்தைச் சேதப்படுத்திவிட்டதாகக் கருதிய டகோஸ்டா, அந்நிறுவனத்திடம் பணம் கேட்டு மிரட்டல் விடுத்துள்ளார்.

கடையின் கண்ணாடிகளை அவர் அடித்து நொறுக்கும் சிசிடிவி காணொளியும் நீதிமன்றத்தில் ஒளிபரப்பப்பட்டது. பணம் தராவிட்டால் பணியாளர்களுக்கு உடல் ரீதியான தீங்கு விளைவிப்பதாகவும் அவர் யூடியூப் காணொளிகள் மூலம் மிரட்டியிருந்தார்.

டகோஸ்டாவின் சட்டத்தரணி அட்ரியானோ அயோவினெல்லி (Adriano Iovinelli) நீதிமன்றத்தில் வாதிடுகையில், தனது கட்சிக்காரர் எந்தவொரு மாறுவேடமும் இன்றி வெளிப்படையாகவே இவற்றைச் செய்ததாகவும், ஆரம்பத்திலிருந்தே குற்றத்தை ஒப்புக்கொண்டதாகவும் குறிப்பிட்டார்.

நீதிமன்றத்தில் யூடியூப் காணொளிகள் ஒளிபரப்பப்பட்டபோது டகோஸ்டா ஏளனமாகப் புன்னகைத்த விதம், அவருக்குத் தீவிர மனநலப் பரிசோதனை தேவைப்படுவதை உணர்த்துவதாக அவர் தெரிவித்தார்.

அல்பர்ட்டா மாகாணத்தில் 2026 செப்டம்பர் நிலவரப்படி, காவலில் உள்ள ஒருவருக்கு உளவியல் அறிக்கை பெறுவதில் நடைமுறைச் சிக்கல்கள் உள்ளதாகக் குறிப்பிட்ட சட்டத்தரணி, தண்டனை விதிக்கப்பட்டு அவர் சமூகத்திற்குள் மீண்டும் விடுவிக்கப்படும்போது, இத்தகைய செயல்கள் தொடராமல் இருக்க முறையான சிகிச்சை அவசியம் என வலியுறுத்தினார்.