பிரபல இணையவழி விளையாட்டு ஒளிபரப்பாளரான IShowSpeed, உறக்கமின்றி தொடர்ந்து 40 மணிநேரம் GTA VI காணொளி விளையாட்டை விளையாடி, அதன் பிரதான கதையில் சுமார் 82 வீதத்தை நிறைவு செய்துள்ளார்.
அமெரிக்காவில் நவம்பர் 19ஆம் திகதி GTA VI விளையாட்டு வெளியானதையடுத்து, அதற்கு முன்னதாகவே தனது நேரலை ஒளிபரப்பை ஆரம்பித்த அவர், யூடியூப் மற்றும் Twitch தளங்கள் ஊடாக விளையாடியுள்ளார்.
அவரது முதல் நேரலை ஒளிபரப்பு 23 மணித்தியாலங்கள் 45 நிமிடங்கள் நீடித்ததுடன், ஒரே நேரத்தில் சுமார் 392,500 பேர் பார்வையிட்டுள்ளனர்.
பின்னர், அந்த ஒளிபரப்பின் பதிவானது 60 மில்லியனுக்கும் அதிகமான பார்வைகளைப் பெற்றுள்ளது.
ஆரம்பத்தில் தினமும் 10 முதல் 12 மணிநேரம் வரை மட்டுமே விளையாடத் திட்டமிட்டிருந்த அவர், விளையாட்டின் கதையில் ஏற்பட்ட ஆர்வம் காரணமாகத் தொடர்ந்து விளையாடியுள்ளார்.
40 மணிநேர விளையாட்டின் முடிவில், சுமார் 82 வீதக் கதை முன்னேற்றத்தை எட்டியிருந்த அவர், முழுமையாக நிறைவு செய்ய மேலும் 12 மணிநேரம் தேவைப்படலாம் எனத் தெரிவித்துள்ளார்.
பல ஆண்டுகளாக எதிர்பார்த்திருந்த விளையாட்டை அவசரப்படுத்தாமல் ரசித்து விளையாட விரும்புவதாக முன்னதாகக் கூறியிருந்த IShowSpeed, தற்போது தொடர்ச்சியான 40 மணிநேர விளையாட்டின் மூலம் இணையத்தில் கவனம் பெற்றுள்ளார்.




