
மறைந்த வி.எஸ்.பாபுவின் பூதவுடலை முதலமைச்சர் விஜய் காலணி அணியாமல் சுமந்து சென்றதை வேஷம் என விமர்சிக்கக் கூடாது என்றும், அது அவர் வெளிப்படுத்திய பாசம் என்றும் அதிமுக முன்னாள் அமைச்சர் ஆர்.பி.உதயகுமார் தெரிவித்துள்ளார்.
இது தொடர்பாகக் கருத்து வெளியிட்ட அவர், விஜய் காலணி அணியாமல் மறைந்த வி.எஸ்.பாபுவின் பூதவுடலைச் சுமந்து சென்ற செயலை வேஷம் எனக் கூறுவது சரியானதல்ல எனக் குறிப்பிட்டுள்ளார்.
மேலும், வி.எஸ்.பாபுவுக்கு வழங்கப்பட்டதைப் போன்ற இறுதி மரியாதை உயிரிழந்த 41 பேருக்கும் கிடைத்திருந்தால், விஜய் இறைவனுக்கு நிகராகப் போற்றப்பட்டிருப்பாரோ என்ற வகையிலேயே தற்போது விவாதங்கள் இடம்பெற்று வருவதாகவும் அவர் தெரிவித்துள்ளார்.
அத்துடன், இந்தக் கருத்து விஜய்க்கு எதிரான விமர்சனம் அல்ல என்றும், அவரிடம் எதிர்பார்க்கப்படும் ஒரு விடயம் தொடர்பான கருத்து என்றும் ஆர்.பி.உதயகுமார் மேலும் தெரிவித்துள்ளார்.




